बिहिवार, माघ १९, २०७९
/
प्रधानमन्त्री प्रचण्डलाई ऐतिहासीक प्रचण्ड बहुमत,यस्तो छ बिगतको मत
पौष २६, २०७९
  दोबाटो न्यूज डेस्क
काठमाडौं। प्रधानमन्त्री पुष्पकमल दाहाल ‘प्रचण्ड’ले प्रतिनिधि सभाबाट अत्यधिक बहुमत पाएका छन्। मंगलबार भएको मतदानमा उनले २६८ मत पाएका हुन्।


मतदानमा २७० सहभागी थिए। त्यसमध्ये २ मत मात्रै विपक्षमा परेको थियो। प्रतिनिधि सभाको आकार (२७५) अनुसार प्रचण्डले पाएको मत ९७.४५ प्रतिशत हो। उपस्थितिको संख्या अनुसार उनले पाएको मत ९९.२५ प्रतिशत हो।


सर्वसम्मत प्रधानमन्त्री भएको अवस्थामा बाहेक प्रधानमन्त्रीका रुपमा प्रचण्डले पाएको विश्वासको मत सर्वाधिक हो। 


गणतन्त्रपछिका प्रधानमन्त्रीहरुले पाएको (निर्वाचित हुँदा/विश्वासको मत लिँदा) मत मात्रै हेर्दा पनि, प्रचण्डले आफ्नै मतको ‘रेकर्ड ब्रेक’ गरेका छन्।


२०६५ साउन ३१ गते पहिलोपटक प्रधानमन्त्री नियुक्त हुँदा संसद्/संविधान सभाबाट उनले ४६४ मत पाएका थिए। ६०१ सदस्यीय तत्कालीन सभामा उनले पाएको मत ७७.२ प्रतिशत मत (संविधानसभाको आकार अनुसार) पाएका थिए।