मंगलवार, फागुन २५, २०७७
/
यसरी नेवारी परिकार योमरी चखाए नेपाली सेफ सन्तोषले,यूके मास्टरसेफको फाईनलमा पुगे
मंसिर २६, २०७७
  दोबाटो न्यूज डेस्क

काठमाडौं। नेपाली सेफ सन्तोष साह अन्तर्राष्ट्रिय ख्यातिप्राप्त 'बीबीसी मास्टर सेफ प्रोफेसनल्स २०२०' प्रतियोगिताको फाइनलमा प्रवेश गरेका छन् ।


"बीबीसी वान" मा बिहीबार बेलुका प्रसारित सेमिफाइनल राउन्डमा मौलिक नेवारी परिकार योमरी चखाएर उनी शीर्ष ६ स्थानसहित फाइनल राउण्डमा पुगेका हुन् । बिहीबार चार प्रतियोगी सेफमध्ये उत्कृष्ट प्रदर्शन गरेका सन्तोष सिधै फाइनल राउन्ड पुगेका हुन् ।
 


बाँकी तीन प्रतियोगीबीच फेरि प्रतिस्पर्धा गराएर थप दुई जनालाई फाइनलमा लगिएको छ । फाइनल आउँदो साता १७ डिसेम्बरमा हुँदै छ ।


प्रतियोगितामा सहभागी कूल ३२ व्यावसायिक सेफमध्ये विभिन्न चरण पार गर्दै सन्तोष उत्कृष्ट ६ मा पुगेका हुन् । सिरहाको कर्जन्हा स्थायी ठेगाना भएका उनी भारतका विभिन्न रेस्टुरेन्टहरुमा झन्डै १० वर्ष काम गरेपछि मोन्टेनेग्रो र त्यसपछि सन् २०१० अन्त्यतिर बेलायत पुगेका थिए।