मंगलवार, मंसिर १६, २०७७
/
बार्सालाई हराउँदै रियल शीर्ष स्थानमा उक्लियो
फागुन १९, २०७६
  एजेन्सी
काठमाडौं। सिजनको दोस्रो एल क्लासिकोमा रियल म्याड्रिडले बार्सिलोनालाई पराजित गर्दै ला लिगाको शीर्ष स्थानमा उक्लिएको छ । घरेलु मैदानमा भएको खेलमा रियल २–० गोलअन्तरले विजयी भएको हो ।



आइतबार राति भएको खेलमा भिनिसियस जुनियर र मारियानो डियाजले एक एक गोल गर्दा बार्सिलोना पराजित हुन पुग्यो ।
 

खेलमा अधिकांश समय बल आफ्नो पकडमा लिए पनि बार्सिलोनाले रियलको पोष्टमा प्रभावशाली आक्रमण गर्न सकेन ।


पहिलो हाफ गोलरहित बनेको खेलको ७१ औं मिनेटमा भिनिसियस जुनियरले गोल गर्दै रियल मड्रिडलाई अग्रता दिलाएका थिए । इन्ज्युरी समयमा मारियानोले गोल गर्दै रियललाई २–० को जित सुनिश्चित गराए ।


जितसँगै रियल मड्रिड शीर्ष स्ठानमा उक्लिएको छ । उपाधि जित्ने अभियान जीवित राख्नका लागि महत्वपूर्ण रहेको यो एल क्लासिकोबाट तीन अंक जोड्दै रियलले ५६ अंक बनाएको छ । एक अंक कम रहेको बार्सिलोना दोस्रो स्थानमा छ । एजेन्सीको सहयोगमा।