बिहिवार, माघ १९, २०७९
/
युएई उड्न लागेका पाँच युवतीलाई विमानस्थलमा रोकियो,किन भयो यस्तो!
श्रावन २६, २०७९
  दोबाटो न्यूज डेस्क
काठमाडौं। त्रिभुवन अन्तर्राष्ट्रिय विमानस्थलबाट कुवेत हुँदै युएई उड्न लागेका पाँच युवती पक्राउ परेका छन् ।



टुरिष्ट भीसामा कुवेतहुँदै युएई जान लागेका पाँच युवतीले पेस गरेको कागजात नक्कली भेटिएपछि अध्यागमनले पक्राउ गरी उनीहरुलाई प्रहरीको जिम्मा लगाएको हो ।

"उहाँहरुले पेस गर्नु भएको प्लस टु को प्रमाणपत्र नक्कली भेटियो, उहाँहरुको ट्राभल हिस्ट्री समेत छैन", अध्यागमनका एक अधिकारीले भने,"यात्राको उद्देश्य समेत स्पष्ट छैन त्यही भएर हामीले फर्कायौं ।" 


ती युवतीहरु जजीरा एयरबाट कुवेत हुँदै युएई जाने तयारीमा रहेका थिए जवकी काठमाडौंबाट ३,४ एयरलाईन्सले यूएईको दुबई तथा शारजाह शहरमा सिधै उडान भर्छन् ।


गृह मन्त्रालयले टुरिष्ट भीसामा खाडी मुलुक गएर काम गर्न निरुत्साहित गर्दै आएको छ । अध्यागमनले भ्रमणको उदेश्य स्पष्ट नभएका टुरिष्ट भीसा वहाक यात्रुहरुको मलेसिला, खाडीलगायत मुलुकको भ्रमणमा कडाई गरेको छ । 


मानव तस्करको सञ्जालले ती युवतीहरुलाई राम्रो काममको प्रलोभन देखाई युएई लैजाने तयारी गरेका थिए । टुरिष्ट भीसामा मलेसिया,खाडी मुलुक गएका नेपालीहरुले काम नपाउने र अनावश्यक दु:ख पाउने गुनासो आउन थालेपछि अध्यागमन कार्यालयले कडाई गर्दै आएको छ । 


त्रिअवि अध्यागमन कार्यालयले बुधबार पनि  युएई जान लागेका १८ महिलासहित २२ जनालाई प्रस्थान अनुमति दिन अस्वीकार गरेको थियो । उनीहरुले आफ्नो यात्राको उद्देश्य स्पष्ट पार्न नसकेको र विचौलियाको माध्यमबाट ती महिला युएई जान लागेको भन्दै अध्यागमनले उनीहरुलाई फिर्ता गरेको थियो ।