शनिबार, माघ १०, २०७७
/
विदेशमा थप ३ नेपालीको कोरोना संक्रमणबाट मृत्यु,अरु यी देशमा पनि संक्रमित बढे
पुष २६, २०७७
  दोबाटो संवाददाता
काठमाडौं।  कोरोना भाइरस (कोभिड १९) को संक्रमणबाट विदेशमा थप ३ जना नेपालीको निधन भएको छ ।

गैरआवासीय नेपाली संघका अनुसार यो साता युकेमा २ जना र मलेसियामा १ जनाको  निधन भएको हो ।   



गैरआवासीय नेपाली संघअन्तर्गतको स्वास्थ्य समितिका अनुसार योसँगै अहिलेसम्म विदेशका २० देशमा कोरोना भाइरसबाट ३ सय १७ जनाको मृत्यु भएको छ ।   
 

संघको स्वास्थ्य समितिका संयोजक सन्जिव सापकोटाका अनुसार शनिवार साँझसम्म विभिन्न ५० देशमा रहेका ५३ हजार ८ सय ४६ जना नेपालीमा कोरोना संक्रमण देखिएको छ जसमध्ये ५१ हजार १ सय १६ जना कोरोना मुक्त भएका छन् । यो कुल संक्रमितको ९३ प्रतिशत हो ।   


गैरआवासीय नेपाली संघको स्वास्थ्य समितिका अनुसार यो साता मलेसिया, साउदी अरब, जापान, दक्षिण अफ्रीका, युके, भारत, युएईमा रहेका थप नेपालीहरुमा कोरोना संक्रमण देखिएको छ ।